Секцыя 12. БІБЛЕЙСКІЯ РУКАПІСЫ Ў БЕЛАРУСІ

117. Евангелле-тэтр

2-я палова 16 стагоддзя. Нацыянальная бібліятэка Беларусі, Мінск, Беларусь

Рукапіс Евангелле-тэтр з фонду бібліятэкі, створаны ў 2-ой палове 16 стагоддзя. Тэкст напісаны ўкраінскім паўуставам, які нагадвае Перасопніцкае Евангелле. Пераплёт кнігі зроблены з бардовай скуры і драўляных дошак і ўпрыгожаны цісненнем расліннага арнаменту. На асобных старонках кнігі захаваўся запіс 1671 года, які сведчыць пра яе былых уладальнікаў.