Камісія па перакладзе літургічных тэкстаў і афіцыйных дакументаў Каталіцкага Касцёла падрыхтавала шэраг перакладаў літургічных і біблейскіх тэкстаў. У 2002-2005 гадах быў падрыхтаваны і выдадзены «Імшальны лекцыянарый» - урыўкі Святога Пісання Старога і Новага Запавету, якія чытаюцца на імшы на працягу года. У 2012 годзе Камісіяй былі выдадзены чатыры Евангеллі пад адной вокладкай, а ў 2017 годзе - поўны тэкст Новага Запавету.